Siya ang isa sa mga estranghero na nakikita ko sa lungsod ng Sydney. Siya ang tinatawag nating “shoe-shine boy” o taga-linis ng sapatos. Ako’y napahanga niya sapagkat kahit madalang na may umuupo sa harapan niya para magpalinis ng sapatos, siya ay matiyaga pa ring naghihintay at magiliw siyang magsilbi kapag naman may nagpapalinis ng sapatos sa kanya.

Maligayang Huwebes!

For translation, click here.

Ito ang aking lahok para sa Litratong Pinoy ngayong Huwebes na may temang MAAGAP.

Ganitong oras ako gumigising tuwing ako’y may pasok sa opisina.

Kami ay may alarm clock, pero mas sanay na ako ngayon na gamitin ang alarm feature ng aking mobile phone

Pwede naman akong magpa-tanghali ng gising dahil flexible time kami sa opisina pero masasabi ko na ako ay isang “morning person”. Pag maaga akong dumarating sa opisina, mas productive ako at mas focused sa trabaho. At bilang isang wifey, mas gusto ko rin kasing nakakauwi nang mas maaga (alas-kwatro ng hapon) para mas maaga akong makapaghanda ng hapunan at mas maaga rin akong makapahinga sa bahay.

Pag nag-alarm na ang aking mobile phone, babatiin ka pa niya ng isang masayang umaga!

Kayo, anong oras kayo gumigising pag merong kayong pasok? Share naman dyan 😉

Ito ang aking lahok para sa Litratong Pinoy ngayong Huwebes na may temang PROTEKSYON.

Ang World Youth Day 2009 rosary na ito ay regalo ng isa sa aming matalik na kaibigan. Pinili namin itong isabit sa rearview mirror ng aming sasakyan upang maging gabay at proteksyon namin saan man kami mag-byahe.